飲飽食醉

不常浦酒吧，但我又唔係好抗拒既，如果一班朋友叫到，都會柴娃娃去輕鬆下。 是夜朋友帶我來天天吧，坦白說筆者是第一次來，但酒店的中餐和自助餐水準一向唔錯，相信酒吧都唔會失色得去邊。 瞄一瞄個酒水牌，有啲Cocktail都幾特別，譬如話專為Pride Month而設既Rainbow Cocktail，同埋以沙田18名物烤鴨為靈感的Duck Scent。 Duck Scent既賣相幾有趣，配著青瓜京蔥絲，半邊杯邊有點點糖，細心留意仲有少少啡色的東西，原來是鴨醬，簡直就係將片皮鴨變成了一杯飲料。 沙田18就片皮鴨有三種吃法，分別是淨皮、淨肉以及連皮帶肉三款，估唔到Duck Scent都做到呢個精髓。先喝無糖的那邊，的確有少少吃淨肉時的感覺，糖那邊正正就是淨皮的吃法，去過沙田18吃烤鴨的都會知道。沾鴨醬又是另一感覺，非常有趣，而且味道都唔錯。 再一款特別的出品，叫Affotini，大概就是Affogato的酒精版。有三款的雪糕口味可揀，五糧液朱古力雪糕配咖啡酒我認為是最夾的，這款Cocktail，女士們好可能會喜歡。 喝酒一定要有些小食。是夜人唔少，索性來份大大個的酸種包，當然佢唔係齋包咁簡單，而係釀入了風乾、Fontina Cheese，以及Gruyere Cheese的出品，成品外脆內軟，滿滿芝士香及火腿的咸香，仲有拉絲的效果，視覺味覺與嗅覺都得到享受，更加是佐酒一流的東西。 再一款係西班牙傳統的蒜片蝦，但辣度比起傳統的更強，不能吃辣的朋友要留意。 反而水牛城雞翼又唔想像中的辣，而係帶點點的甜味，毫無疑問是很好的下酒小食。 帶墨西哥風的Nachos，勝在夠脆，同埋用上的肉醬是素肉醬，席上不吃牛的朋友大喜，一片一片連大埋肉醬的放入口。 間中同朋友們去酒吧飲杯嘢，聽下歌，吹下水，都係好好的舒壓方法，大前題係酒吧要有質素，好似天天吧呢度咁。 #酒吧#快閃話咁易 (此文章由U Blog 同步發佈至社群)